剛完成手上工作的張智霖（Chilam），近日終於可以做妻子袁詠儀的全職司機，24小時管接管送，上周便專程車靚靚到跑馬地買花。愛看足球的Chilam表示近日晚晚通宵與靚靚及未出世的BB欣賞世界盃賽事，實行胎教。
張智霖早前拍攝新片《天行者》（前名《海闊天空》），無暇陪伴懷有身孕的妻子袁詠儀，及至上周Chilam完成工作後，終可以24小時貼身侍候靚靚。上周五，記者便見他充當柴可夫接載靚靚到跑馬地買花，相當體貼。
「瞓夠先起身」
當晚大約六時許，Chilam駕駛其保時捷旅行車接載靚靚到跑馬地城和道一花店，靚靚下車後走進店舖揀花，Chilam則留在車上等候。其間靚靚詢問店員的意見，她說：「買邊隻花擺屋企好？」店員指一指附近擺放的鮮花，靚靚點頭示好，並買了一大束離開。
日前記者致電Chilam，問他現時是否做靚靚的全職司機時，他說：「佢大肚，所以我咪做柴可夫囉！早排辛苦啲，要拍方平部戲，夜晚又要睇世界盃，所以好辛苦，𠵱家拍晒輕鬆好多！可以睇晒16強賽事，阿靚每晚都有陪我睇。」記者問大肚婆晚晚通宵睇波，會否對胎兒構成影響時，Chilam笑說：「唔怕，醫生話有足夠休息就得啦，佢一睇完就瞓，瞓到夠先起身。以前阿靚唔鍾意睇波，但因為受我影響，西甲、英超、意甲都有睇。𠵱家晚晚同未出世嘅BB一家三口一齊睇波享受家庭樂。」
採訪、攝影：娛樂突發組、陳月媚
