墨西哥16強俾阿根廷淘汰出局後，最心涼嘅係冇入選拉禾比大軍嘅「夾波王」前鋒白蘭高喇！佢日前喺專欄度幸災樂禍咁話：「雖然出咗局，球隊其實係贏咗，因為我哋終於擺脫某人嘅魔爪。」大家都知33歲嘅白蘭高同拉禾比有幾深牙齒印，但係佢人品有幾好，大家亦心裏有數。白蘭高係好波，但係把口咁衰，即使新教練上任，都未必敢重用佢喇！