滙豐私人銀行亞洲區行政總裁王以智向意大利籍拉丁舞王MirkoSaccani同佢妻子，追討嚇人天價6,200萬學費嘅官司，都算係近期城中大新聞。
同樣熱愛跳社交舞嘅財爺唐英年媽咪唐尤淑圻，前晚着得靚靚去會展出席保良局嘅慈善ball，被問到對呢單官司點睇時，唐媽媽就話，佢以前有跟內地老師學，𠵱家就跟香港老師學。
佢仲好強調咁話，「我學舞係當做運動，冇咁大野心學人參加比賽，幾千萬學費咁貴，我學嗰啲一堂最多幾百到千幾蚊，仲係一堂一堂交學費嘅，唔會俾人呃。」嘩！唐老太咁精明，真係想欺騙佢都幾難。
傳真︰2623-9278
電郵︰[email protected]