瑞士同烏克蘭係世界盃決賽周前，都分別定下以打入16強為目標，今晚肯定其中1隊能夠超標。
由於兩隊實力旗鼓相當，呢場波和味都幾濃，主客和嘅和局，絕對係投注嘅好選擇。
瑞士呢班波真係唔聲唔聲，嚇你一驚，分組賽不僅力壓法國同南韓以小組首名出線，更加係分組賽中，唯一1隊無失過波嘅球隊，成條防線勝在夠年輕同合拍。今場雖有中堅辛德路斯上場對南韓脫臼，宣布提早收工，但替補人選佐羅亦非善類，可惜前面單靠「敗家仔」阿歷山大費爾攻堅，相信幾難達到預期效果，所以估計瑞士呢場將會踢得比較保守。
烏軍後防主力缺陣
相反，烏克蘭雖有舒夫真高坐鎮，但中場組織力唔係太強，所以呢位射手未能有上佳發揮。今場烏克蘭更有後衞施維達斯基同魯素坐波監，大大削弱中後場防守力。
幸好瑞士亦唔係善攻一族，在大家鬥踢「保守派」足球下，應會呈現拉鋸局面。睇嚟呢場波要喺90分鐘內分出勝負都相當困難，一於買個有3倍和局啦。
球彩台《06世界Bar》主持阿聲
PHONE波熱線：1831678
PHONE波電郵：[email protected]
開放時間：7:00pm至5:30am