英格蘭球證普爾嘅「3黃1紅」笑料餘波未了，佢除咗俾人笑到面都黃，國際足協仲考慮緊會唔會要佢停吹今屆世盃，嚟緊周三就會有定案，普爾有冇機會留低自有分曉。我判官覺得應該嚴懲犯錯嘅球證，好彩澳洲最後出線啫，唔係佢哋實要求重賽。今次普爾又係唔抵幫，竟然將克羅地亞3號仔施蒙歷攞黃，mark錯澳洲3號仔奇治摩亞㗎，其他旁證盲㗎？