鄧麗欣（Stephy）昨日捐出五件珍貴物品作慈善拍賣，當中她於MV中穿過的婚紗以19,500元成交，另外由她親手織的「初戀甜蜜手織頸巾」則以11,500元賣出，五樣物品合共籌得近四萬元善款。
冇膽示愛保留頸巾
Stpehy透露「初戀甜蜜手織頸巾」是她中學時想向一位同班同學示愛，所以親手織了一條頸巾打算送給對方，她說：「我成日覺得親手整禮物比較細心，不過我最後因為唔夠膽示愛，所以都冇送到畀個男仔。」
此外，問到Stephy會否考慮將Cookies初出道時，所穿的三點式泳衣捐出來拍賣，她說：「泳衣好似貼身得滯，不過為咗慈善冇所謂啦，我仲收起咗好多Cookies時着嘅制服，如果真係再搞慈善拍賣的話可以拎埋出嚟。」
採訪、攝影：李珮洳