今屆世界盃都幾旺壽星仔，好似德國前鋒高路斯，法國中場韋拉都入波為自己賀壽。前日阿根廷對墨西哥，阿根廷嘅列基美、美斯齊齊牛一，結果列基美全場作出80次準確傳送，亦係球隊扳平嘅間接功臣。據講佢成家人都入場打氣，又送新手機畀佢，總算過快樂生辰；美斯就冇咁好彩，補時射入球波無端端被判越位，真係要多謝旁證送呢份「壽禮」畀佢啦。