保險代理入職後建立客戶網絡需時，保險公司大多會為新入行者提供財務津貼或預支佣金，但有志從事此行業的市民需注意，領取這類津貼或預支佣金有條款限制，離職時或需清還。
否認毋須償還
讀者羅先生投訴，04年時加入某保險公司時，遭人誤導，至離職時被追討已領用的財政資助。他說：「個上司講明呢筆每月一萬元嘅資助，平時會喺我啲佣金度扣，離職時只要我唔係做番呢行，尾數公司都唔會追。點知我保險嘅業績一路都唔係咁理想，到今年初終於轉行做售貨員，但4月時，舊公司就突然話要收番我三萬蚊資助金。」
突然追討資助金，令羅先生財政陷入困境。他說：「我邊有能力一次過還咁大筆錢，最終要逐個月攤還。」
宏利人壽保險回覆本報查詢，指羅先生僅為公司旗下代理人，並非僱員，並無薪金。該筆欠款按協議為財政資助，須從代理的佣金收入中扣除，如一旦終止合約，代理人即須歸還欠款餘額。至於羅先生所投訴的經理，則否認曾表示合約終止後，不用償還欠款。
檔案編號：0522012
話你知：須了解合約條款
香港人壽保險從業員協會會長陳志堅提醒保險代理入職時，需清楚合約條款。他說：「為咗保障初入職者有穩定收入應付生活開支，大部份保險公司都會提供財政協助，當中七成以『預支佣金』形式先借出，然後用未來嘅佣金抵銷，離職時就要全數歸還餘額。另外就係『財務津貼』，呢類津貼通常代理做滿一段時間，或離職後只要在特定嘅『冷靜期』，一般唔超過一年，唔准加入其他保險公司或銀行業，就唔駛歸還。」
蘋果投訴熱線：29290000
社會服務熱線：29908288
傳真：23702192
電郵：[email protected]