【本報訊】世界盃進入淘汰賽階段，一班不願意，或付不起有線電視月費的球迷，過去半個月來晚晚絞盡腦汁，設法突破有線獨家直播的「封鎖」，即時睇波。有球迷自行安裝「鑊仔」接收衞視、將等離子大電視接駁電腦看網上直播、在「一張四人枱迫六個人」的茶餐廳「打躉」。他們都異口同聲要求免費電視加一把勁，捍衞大眾睇波權！ 記者：雷子樂
自製器材收衞星訊號
日間是保安員，入夜即變身「解碼天王」，David成功破解「衞星密碼」收看世界盃。小小的天台屋內，堆滿了電線、對講機、解碼器。採訪期間，David正觀看德國對厄瓜多爾的賽事，畫面清晰。「美中不足係場波講英文囉。」
David說，整套睇波器材只需1,800元，直徑約3呎的「鑊仔」購自深圳，解碼器、sim卡在鴨寮街搜羅。安裝後接收到HBO、國家地理等頻道，衞星訊號每兩至三個月更改。「呢啲係天上邊嘅訊號，我咁做應該冇犯法。」電訊管理局發言人表示，若一名住戶只是安裝一個衞星接收器接收免費的衞星電視，並不用申請牌照。
而若自行使用接收器收看需要收費的衞星電視台，則可能會面對版權持有人的追究。
Plasma駁電腦睇網上直播
「茶餐廳最平就30蚊，係一張四人枱迫滿六個人嗰隻，迫到要一個食完嘢，第二個先有得食。」阿東細數區內茶餐廳睇波行情：「三、四十蚊係畀你睇一場咋，上個禮拜一晚打三場，想睇足都幾重皮！」
為節省開支，阿東惟有偶爾投靠朋友。其「老友」將家中等離子（Plasma）大電視直駁電腦，再連線至PPStream網站，晚晚即時收看中央台網上直播。「大電視質素唔差，睇廣東台仲有曾志偉旁白。」律師黃國桐表示，觀眾只是收看節目，並非將節目上載至互聯網，應沒觸犯法例。
但想睇免費波要趁早。「試過臨開波先上網，點知太多人上，搞到上半場睇唔到」。阿東說，有時要提早一至兩小時到指定網頁。
阿叔阿伯商場「偷窺」
為了睇波，骰仔每晚由深水埗步行半小時到大角嘴奧海城；性格內向的他不惜「拋頭露面」，拿着有線電視送給社區組織協會的門票，參加球迷派對。骰仔居於深水埗板間房，莫說他付不起每月數百元的有線月費，即使他願掏腰包申請，舊區唐樓也多沒鋪網，動輒要支付每幢大廈近萬元的安裝費，令餓波球迷望門輕歎。
骰仔說，奧海城商場晚晚都變成低下階層的睇波集中營，「好多都係阿伯、新移民同南亞裔人士」。骰仔的好友社協組織幹事吳衛東說，不少低下階層連茶餐廳30元入場費也付不起，只好在門口「偷窺」。四年一度的世界盃被收費電視台奪去直播權，骰仔坦言「唔合理」，「呢個係普天同慶盛事，應該畀多的市民睇」。
