問軟硬甚麼是這次演唱會中最希望重現的？阿Jan謂：「如果有我哋至愛好朋友籮記（羅文）喺度一齊玩就好。」阿葛笑說：「或者可以數番《老人院》同《軟硬製造》班朋友。」阿Jan聞言感觸說：「其實電視台嗰段日子真係唔想記住，雖然回報好好，但好辛苦，日日開工都唔知發生乜事。」
最怕嘉賓唔肯走
提到開騷禁忌，阿Jan從來都禁止再唱再聽他與周美茵合唱的《只因喜歡你》，問他會否請周美茵做嘉賓，阿Jan面有難色，若周美茵主動致電想來贈興？阿Jan笑說：「我最驚呢樣。草蜢嚟都驚㗎，蔡一傑唱完一首唔肯走，等陣佢唱晒三場，留番一場畀我哋點算？《噯姑乖》、《親親表哥》同《keepittogether》都一定唔唱，係禁歌。同埋唔可以揸流攤。」
想重做天空小說
如果軟硬take2，阿葛最想重做天空小說，他說：「成個project得到認同，做得好有滿足感，好想做多次。」阿Jan則希望重拾當年工作心情，他說：「嗰陣身無長物，冇車冇樓冇仔冇女冇錢冇欠債，諗到乜就去做乜，好似中學生去露營咁開心。」