何超儀噚日喺銅鑼灣出席活動，一到埗就被圍住，猛被追問知唔知家姐超瓊同許晉亨未離婚，同埋許晉亨同李嘉欣嘅戀情，超儀只講咗一句：「大人嘅嘢，等佢哋大人自己理番啦。」另外，超儀老公陳子聰日前同alive喺台灣同狗仔隊發生衝突，搞到隨行嘅女化妝師受傷，超儀話：「點解我老公冇同我講過有女仔化妝師嘅？四條仔使乜化妝呀，有女喺度，我梗係唔撐佢啦。」睇嚟陳子聰會被扭耳仔喇！
