吳彥祖日前與alive拍檔尹子維、陳子聰和連凱在台灣西門町出席戶外宣傳活動時，在擂台打拳，打到碌地沙，內穿孖煙囪的吳彥祖更玩到露「蛋蛋」，前晚他再以身犯險着裙到蘭桂坊出席芝華士派對。
吳彥祖透露裙內仍然是孖煙囪，他說：「我鍾意着孖煙囪，女朋友都叫我改着三角底褲，安全啲，不過我慣咗，改唔到。」問他不介意露「蛋蛋」嗎？他說：「介意都冇用，唔通返屋企喊咩？下次改着波褲或者單車褲啦。」
護面推記者
四子赴台時與記者推撞，吳彥祖說：「嗰晚我哋行行吓，忽然有黑影跳出嚟，我唔知台灣都有狗仔隊，佢哋部機『隊』到我面前，我咪推開佢，保護塊面。」尹子維則謂對方唬嚇同行女化妝師，眾人才出手。
此外，AnaR.前晚做特別嘉賓，穿芭蕾舞裙躲在巨型珠寶盒內，然後跳出來給大家驚喜，不過就有洋漢笑指她匿棺材。
採訪：顏英儀 攝影：陳順禎
