出名藝高人膽大的草蜢，昨日在天台邊載歌載舞，險象環生。8月31日於紅館再度開演唱會的草蜢，演唱會暫定三場，昨日在尖沙嘴為唱片店做剪綵嘉賓，站在三層樓高的天台邊來一場演唱會預演，穿上貼身褲「激凸」的蔡一傑站在欄杆邊不斷舞動，行人路上的歌迷不斷尖叫，蘇志威也腳踏欄杆，唱得投入。
「大地在我腳下」
蔡一傑事後說：「去過唔同地方登台，但係最親切都係喺香港，頭先啲市民好熱情，企喺對面樓嘅人不斷向我哋揮手，所以真係唔記得會唔會危險。」蔡一智則說：「我哋唔會畏高嘅，我哋鍾意大地在我腳下嘅感覺。」
烈日當空草蜢落力表演，除了蘇志威太太劉小慧和女兒、蔡一智未婚妻來支持外，也吸引數百途人圍觀。剪綵期間有醒獅助興，蔡一智說：「今日天氣咁好，真係一個好嘅兆頭，相信我哋嘅演唱會都係咁hot呀。」
採訪：王連連 攝影：仇志德