在劇集《王子變青蛙》中飾演男主角單均昊的明道，被指跟李永豪樣貌有幾分相似，日前記者邀請施明兒子、楊思琦男友李永豪作明道劇中打扮，發覺二人相似度近七、八成，就連李永豪本人也笑說：「某幾個角度同側面係有少少似！有日我出街食飯，啲人都問我係咪拍劇集《王子變青蛙》嗰個，我澄清話唔係，啲人仲係唔信，猛話：『明明係你，唔好玩啦。』思琦就覺得我唔係咁似，佢話我戴眼鏡個樣似陳啟泰多啲。」
羨慕受歡迎
因為貌似明道而成為話題，李永豪笑言多得明道帶挈：「畀人有talkingpoint，都冇壞吖！起碼有人知道我係邊個。原本我唔係太認識邊個係明道，係黎諾懿最先發現，話畀我知，我先至留意到。羨唔羨慕明道？梗係羨慕啦！但佢都係努力咗好耐先至有咁嘅成績，我都好希望自己將來有咁嘅機會，所以佢都係我嘅學習對象，希望將來有機會可以見吓佢真人。」
攝影：葉君海
服裝：Benetton
