早幾年活躍於香港社交界嘅名媛紫紅，早幾年同城中某大富豪炒大鑊，由於事件愈鬧愈大，紫紅嘅醜聞亦都愈揭愈多，紫紅惟有走去新加坡避開呢個是非之地。不過，紫紅唔喺香港，唔代表佢嘅是非唔會流傳，好似最近紫紅喺新加坡生咗個仔，本來再為人母係好值得高興嘅事，但弊就弊在有消息話個仔嘅親生老竇唔係佢老公，其實係唔係佢老公親生，驗吓DNA咪一清二楚囉！