向來對慈善不遺餘力嘅楊采妮（Charlie、中）噚日以「聯合國兒童基金大使」身份於青衣出席青年大使委任典禮，大會除安排Charlie向大使頒發委任狀外，仲即場分享出外探訪經驗，Charlie表示近日閉關三星期，忙於寫作一本有關慈善嘅書籍。 身為大使嘅楊采妮自言希望不久將來有機會成立基金，佢話：「我希望到時可幫到教育方面，因為小朋友嘅教育係好重要。」