𠵱家啲人增肥同減肥真係話咁易，官恩娜前晚去咗數碼港幫一間食肆剪綵，佢話自從入咗行後，已經好少陪家人出街食飯，諗起都有啲內疚，而嚟緊官恩娜會飛去日本九州，幫無綫做個飲食節目，佢話上次去過九州拍嘢，一日七餐肥咗六磅，返香港後減咗磅，點知𠵱家又要再去過，為咗唔再肥番，佢話一定會節制飲食，官恩娜話：「我份人有食神，減肥一定唔會絕食，以免食番嘢時反彈，肥得仲勁。」