老公一早已拒絕我在世界盃期間去旅行，你有你唔去，我有我生活，我斷唔信只得香港有波睇！上星期我同一位朋友起行到泰國度假，我臨行前已再三叮囑佢，間酒店一定要有波睇，她依稀記得係有，放心！去到酒店，一開門，果然有波睇，仲有籮㖭。間酒店位於紅燈區Patpong，周遭都係酒吧舞廳，間酒店「有味」的確唔出奇。我一點也不抗拒，因為夠平，$200一晚，室內的裝潢很時尚，每間房都有藝術人像畫，頂樓仲有5間Bungalow，出面有個花園仔，每晚約$500，仲有按摩池！入夜樓下勁歌熱舞，我就仆回房睇世界盃。老公，泰國都好先進，戶戶都有波睇，仲可以叫個按摩師上房揼住骨睇波，幾爽！
StrandInn（61-02-2344-296-9）
105Patpong,2ndRoad,Bangkok,Thailand