阿叔林尚義與李克勤主持無綫世界盃節目以來屢被傳不和，二人昨日凌晨再一起主持《頂Cup世界盃晚晚有德Fun》時，阿叔被克勤問到球隊對賽的意見時邊飲水邊說話，原來抱恙在身。及後克勤受訪再次講起阿叔之前直播扯火一事，他說：「我知佢嗰晚好嬲，大家有問題嘅話都唔會做咁多年。」
繼早前有雜誌報道指林尚義不滿李克勤扮大牌後，又有雜誌報道指克勤以500元賤價奪去負責控制節目流程的重要位置，令阿叔淪為嘉賓主持。
怒轟「好討厭」
儘管有關二人不和傳聞一直傳個沒完沒了，阿叔與克勤並未因傳聞而面左左，昨日凌晨兩人主持《頂Cup世界盃晚晚有德Fun》時，除了頻頻互相交流，克勤在節目尾聲更就巴西對日本的賽事問阿叔意見，惟阿叔邊飲水邊說：「差唔多啦！」克勤即笑說：「你係咪想話節目時間差唔多呢？」
原來，阿叔昨日答非所問，又頻頻用紙巾抹鼻，是因為身體不適所致。談到前日他扯火一事時，阿叔仍怒氣未消說：「日日俾狗仔隊死跟，好討厭！」對於林敏驄因為免再惹是是非非，決定不再上無綫世界盃節目，阿叔聞言後說：「呢啲公司政策，我唔知，唔關我事，我做自己嘅嘢！」
問到克勤與阿叔不和傳聞時，克勤說：「都唔想回應，由98年做到𠵱家，係今年先有咁多新聞傳出。阿叔嗰日好𤷪𤺧，我哋娛樂圈人慣咗俾人寫，但阿叔唔係，所以我知佢嗰晚好嬲，大家有問題嘅話都唔會做咁多年。」
再邀林敏驄
及後記者問克勤有關林敏驄不再上世界盃節目時，克勤即耍手擰頭拒絕回應；至於監製李漢源則說林敏驄是被邀嘉賓之列，又懂得搞氣氛，故會盡量聯絡對方前來參與世界盃決賽，他又說：「我叫佢鍾意就上嚟，相信阿驄唔會嬲，我都冇得罪佢。」
此外，昨日無綫請來簡炳墀、黃德斌、關寶慧和姚樂怡擔任嘉賓，克勤一見近來頻騷肌肉的黃德斌即抵死地說：「今日做乜着咁多衫？」另外，一向講說話聲大大的簡炳墀，昨日講起波經時卻講到一嚿嚿，伍晃榮遂忍不住插嘴說：「講到底，打波其實靠實力嘅！」隨即引來現場哄堂大笑。
採訪、攝影：卓寶花
