曾採訪世界盃、歐洲國家盃、奧運、亞運等大賽，身經百戰。李勇明
英格蘭足總果然識包裝，佢哋特為宣傳而印製嘅工作手冊，資料詳盡及設計精美，入選球員有齊個人檔案，外圍賽戰績、世界盃歷史、德國球場資料、對手簡介全部落齊，細細本袖珍裝非常好用。最抵死就係佢哋喺英格蘭新聞中心內，任由記者免費索取。如果貪心攞多佢幾本，返到香港當禮物咁送畀同事，唔知會唔會俾人鬧呢？