楊千嬅昨日到樂富出席聯合國愛滋病規劃署活動，更獲委任為特別代表，千嬅其後與特首夫人曾鮑笑薇一同為規劃署中心新翼的開幕儀式任嘉賓。
近日有報道指古巨基擅自接廣告觸怒黃柏高（Paco），又向傳媒指千嬅不配當傑青，令她怒不可遏，更向經理人黃柏高拍枱投訴。千嬅昨日聞言即拍掌笑說：「咁好笑？呢單嘢咁緊張？我呢排喺上海拍劇乜都唔知喎，邊個夠膽拍Paco張枱呀？佢擺晒風水陣㗎，一陣郁到個陣賺少咗咁點呀？」。
基仔係搖錢樹
千嬅又謂不相信此傳聞：「我同基仔成日一齊做嘢，我諗唔會嘛。傳緋聞好過傳是非啦，緋聞型啲。」同場出現的黃柏高也否認發生過拍枱事件，他說：「我冇接過投訴，基仔都冇私自接廣告，我唔會雪藏搖錢樹嘅。」
採訪、攝影：藍文浩