台灣人氣偶像明道（左）同名模蔣怡（CoCo），最近喺台灣合作拍攝新劇《天使情人》。CoCo噚日着咗套白色低胸衫開工，之前曾公開勁冧CoCo嘅明道，起勢咁狂昅CoCo嘅巨胸。有報道話明道想攞CoCo電話號碼，結果只係攞到佢經理人嘅電話。問明道會唔會追CoCo呢類高妹？明道即刻用食物做比喻，佢話自己鍾意食排骨飯，高嘅女仔就好似雞髀，都可以食，但始終都係鍾意同比自己矮嘅女仔拍拖。