有女性朋友致電給我，投訴男友在世盃期間只顧睇波而冷落了她。我笑說她男友這個舉動最正常不過；皆因4年一度的世盃全城哄動、人人追捧，男人又怎能逃出追睇世盃這一關呢？既然這個是不爭而不可改變的事實，倒不如投其所好，催眠自己全情投入這項盛事；或者你會從中看出一些驚喜！
睇波是一種減壓活動
其實睇世界盃都是一種減壓的活動，我們可以一邊睇波、一邊吃零食，暫且把「纖體」這兩個字拋諸腦後。若各位姊妹仍然對賽事提不起興趣，不妨落足眼力睇睇今屆的靚仔球星，除了碧咸外，不難發現各隊亦蘊藏不少美男子──例如澳洲的基維爾、巴西的卡卡、西班牙的韋拿、葡萄牙的基斯坦奴朗拿度、烏克蘭的舒夫真高、日本的川口能活及南韓的安貞桓等。相信他們出場，女士們的精神必定會為之一振。
另外，球星的太太或女友，亦是世界各地傳媒爭相報道的對象。每天翻開報章雜誌，都會大事報道她們如何揮霍無度、明爭暗鬥的花邊新聞，更有10大最不受歡迎球星老婆選舉，娛樂性十分豐富，可觀指數可謂爆燈。
所以計我話，世界盃月無男友陪，女人又點會悶呢？
譚小環
94年港姐冠軍，一位美貌與智慧的女球迷。