黃貫中（阿Paul）、Soler及恭碩良昨日到土瓜灣，綵排下周三舉行的「MOTO903新樂潮拜音樂會」，阿Paul透露在音樂會上主要是演繹別人的歌，他說：「人哋嘅歌冇乜難度，但就要練熟啲囉。」
指點朱茵
而對於女友朱茵在新片《夕陽無限好》中要講粗口對白，阿Paul說：「佢平時唔講粗口，今次係為角色，有見過佢背劇本，覺得佢講得唔夠說服力嘅時候就會提醒佢，我覺得適當時候講粗口冇問題，只係當個助語詞，好似霑叔（黃霑）講粗口就好順口，最重要唔好傷到人。」阿Paul笑言自己的粗口已練到收放自如，而且他在家人及長輩面前不會說粗口。
此外，有一半意大利人血統的Soler對於意大利隊能順利進入世界盃16強感到十分開心，他們說：「真係好滿意，終於爭番啖氣，如果keep住個狀態會入到四強，唔貪心要佢哋入決賽，要一步一步嚟。」
採訪、攝影：駱華齡