收到老友從巴黎帶回來的GARCONS香水套裝，Lovehurts二字配銀線織成的心形樽身，Fancy得很名字也很Clich，但終歸屬玲姐出品，當然照單全收，唔用都會儲。曾幾何時（1998）玲姐的香水「Odeur53」我仆到去買，是因為這是第一支以「反香水」的概念嘅香水，驚為天人，心諗除玲姐以外或者只得馬字會咁破格，當年邊有品牌會將晾衫、燒膠、指甲油、金屬等53種從來唔會被認為「香」嘅味道來做香水㗎，所以我係懷着朝聖崇敬的心去買的，之後玲姐香水多到數不清，膜拜的心情亦漸漸褪色，只係對玲姐點解勁出香水呃錢嘅懷疑。睇住呢支老友帶回來的手信，勾番起以前迷玲姐、迷馬字嘅熱情，今時今日，其實都在褪色當中；前日另一位老友話竟然唔記得咗去睇馬字個展覽，先發現原來佢唔再愛馬字了，當下我無應佢，或者，係唔想承認呢個事實啩。