今期問題：今屆最令你失望的人與事？
本報於世界盃期間逢周六、日推出《世盃球迷天地》，歡迎讀者就指定題目暢談世盃人與事，今期問題係：今屆最令你失望的人與事？採用即可獲贈Nike國家隊毛巾1條。另外，歡迎讀者提供關於世界盃的有趣靚相，喺「蘋靚相」同大家分享；採用即可獲Nike足球球衣1件。讀者可電郵[email protected]傳相或投稿。
今屆世界盃，最令人失望的就是馬會足智彩！竟未有好好把握機會推出新玩法，改善營運，吸引投注，反而只「原地踏步」，令人費解。
世界盃各隊鬥志高昂，亦曾有不少爆冷賽果，故即使熱門勝出，賠率亦非太乏味，最適合推新玩法。本來最好乘勢推出「波馬過關」，以收互動之效，增加「雙邊」投注，將可吸引不少外圍回流足智彩。可是，馬會反將周三夜賽取消，令人無法將賽馬派彩過關至「中場投注」「走地盤」，龜縮政策，真慘不忍睹。
另外，連贏位、三重彩，甚至四重彩、位置Q等，以馬會技術，亦不難另設彩池。馬會不思進取，到季尾又話投注額不振，要改博彩稅制，要提供回贈，真箇捨本逐末！
WAWAWA