現今足球講戰術，大部份領隊沉迷於防守足球，可幸今屆世盃有一隊阿根廷，令我可以再一次欣賞「放題式」進攻足球。
6:0痛宰塞黑，盡顯進攻本錢，另賽和荷蘭，亦令「全能足球」毫無還擊餘地，阿根廷實力深不見底。唯獨後防個別位置仍然未受考驗，軒斯可能係全隊最大隱憂。貝迪素級數明顯未及辛尼迪，好在麥斯洛迪古斯狀態一流，貝迪素只須專心防守，暫時尚算「交到功課」。
進攻單調等出局
墨西哥出線全靠運氣。進攻單調，中場欠創造性，相信難逃連續4屆16強出局命運。雖然墨西哥善於高空轟炸，但面對有艾耶拉壓陣的阿根廷絕無甜頭，加上中堅馬基斯要協助球隊組織攻勢，令後防有更多空位。若單靠中場柏維柏度面對阿根廷條世界頂級中場線，簡直冇得打，所以馬古斯真係顧得頭，就顧唔到腳，死未！
雖然讓球盤去到一球/球半仲係低水，都不可逆天而行，上盤去馬。
球彩台《06世界Bar》主持強尼
PHONE波熱線：1831678
PHONE波電郵：[email protected]
開放時間：9:00pm至5:30am