早前被本報拍得與陳淑蘭夜蒲蘭桂坊的律師林炳昌，因妨礙司法公正罪成而被判入獄四年，蘭子身邊少了夜蒲玩伴，前晚以紅衣女郎打扮，由司機接送到跑馬地銀行櫃員機提款，再到萬寧買牙膏毛巾，最後到咖啡室買三文治及往報攤買報紙後返家。誰知到昨日凌晨二時，換上街坊裝及踢拖的蘭子又出現跑馬地㩒錢及到油站入油，行蹤古怪。
冇探林炳昌
對於好友林炳昌過着鐵窗生涯，蘭子昨日在電話中說：「佢入咗獄，我都冇晒佢啲消息，但我認識嘅佢係一個好堅強嘅人，絕對唔會做儍事令人擔心，佢要搞上訴嘅嘢，所以探監嘅名額，一定要留番畀真正可以幫到佢嘅人，或會寄張卡鼓勵佢。」
採訪、攝影：娛樂突發組、比華利