世界盃熱潮風靡全港，除咗有一班忠實球迷支持外，廣告商鋪天蓋地嘅宣傳亦居功不少。好似Nike，為咗借世界盃宣傳品牌可謂不惜工本，搞演唱會、搞FootballPark、出碟、出鞋、搞細路足球賽……最終都係力谷宣傳口號「JOGABONITO踢出漂亮」。嘩！計落真係天文數字務求有殺錯冇放過！今期世盃16強已全部誕生，即Check明星們心目中嘅世盃冠軍！
記者：許維雅
攝影：林栢鈞
鄭融
最近呢兩年先開始睇波，今年第1次睇世界盃，大讚巴西踢得有型有自信，真係令佢感覺好熱鬧好開心。雖然巴西表現麻麻仍力撐：「策略之一嚟之嘛，佢哋WarmUp完就好勁㗎喇！決賽如果唔使做嘢一定約朋友喺屋企睇，有人同你分享先睇得開心。」
一致睇好巴西奪冠
陳小春
本身係忠實法國Fans嘅小春睇到今年法國隊表現都不禁欷歔，揀得落手始終巴西係冠軍咁話，唯一同佢有力一爭嘅就只有阿根廷。不過最好笑轉過頭小春又十分矛盾話想葡萄牙C朗拿度做神射手：「我乜都唔理，最想C朗入多幾球，我買咗佢做神射手，大嗱嗱有80倍㗎！」
Jan@Krusty
Jan試過企喺TimeSquare門口睇波，氣氛拍得住除夕倒數，又讚C朗拿度最靚仔，「我自己係半個荷蘭人，撐硬荷蘭，不過我好鍾意巴西隊嗰種森巴熱鬧氣氛，支持巴西攞冠軍。」
Chucky@Krusty
Chucky都係捧巴西，覺得朗拿度、朗拿甸奴同卡路士係巴西3福星：「雖然今年朗拿度肥咗又弱咗，我都覺得佢哋會攞冠軍。」
MichaelLau
一等一球迷Michael係朗拿甸奴同Nike嘅一級Fans，自己用緊對波Boots都要同朗拿甸奴一樣。雖然感到巴西奪冠有阻力，但Michael仍堅持睇好：「決賽9成係巴西對阿根廷！梗希望巴西今年攞到啦！想Nike出啲乜？Nike乜都出晒咁滯喇喎，最好幫我出啲Product啦！Nike如果可以回歸原始，出番啲功能簡單啲，款式夠有型嘅運動鞋就最好！」
鄧健泓
平日好少睇波嘅鄧健泓都湊熱鬧睇埋一份，因為覺得世界盃可以令無分國界嘅人聚首一堂，係一種比起音樂力量更大嘅世界語言。世界盃雖然少睇但佢都分析得似模似樣話：「巴西雖然人腳勁，但個個都不在狀態，反而睇咗咁多隊，最有隊形始終係阿根廷，佢應該攞到世界盃冠軍。」
急推3對搶錢Boots
Nike喺世界盃期間無間斷推出一系列NationalTeamProduct，最新見街3對新波Boots分別係朗尼着嘅T90supremacy第3代、朗拿甸奴着嘅TiempoAirLegend同２位朗拿度着嘅MercurialVapor第３代。款式、顏色、功能層出不窮改完又改，可謂誓不搶盡球迷錢誓不甘心。
全面攻陷FootballPark
T90supremacy第3代
T90supremacy第3代係朗尼最新上場波鞋，以踢足90分鐘（Time90）命名，以彩藍色鞋身、鞋帶側綁設計、ZoomAir、GroundFirm技術作賣點。
TiempoAirLegend
供應給世界級球王朗拿甸奴嘅私家Boots，同樣有ZoomAir、GroundFirm技術注入鞋身，波Boots以袋鼠皮製造，令球鞋特別軟身。
MercurialVapor第3代
雖然巴西朗拿度於世界盃期間備受惡評，好彩Nike及時搵嚟少女殺手C朗拿度同時穿着此波Boots。鞋身以特製纖維物料所做，令鞋身更輕，方便2位專打攻擊型足球嘅球星。
查詢：NikeShop
地址：銅鑼灣軒尼詩道555號崇光百貨4樓
電話：28955668
