出年好似又係雙春兼閏月的關係（講到好似好難得，但又成日聽到呢個Term），身邊都有朋友及同事打算趁這個時間拉埋天窗，認真要恭喜佢哋！對女仔嚟講，結婚一定係一世人一次，當中扮演重要角色的結婚戒指又點可以馬虎？金毛同事話佢女友獅子開大口向佢索1隻卡地亞的戒指做結婚戒指，以佢一向毫不浪漫的性格，當然「媽媽」聲，仲話只會送隻金戒指就算。喂，𠵱家打仗咩，買金！今鋪，我撐佢女友。或者對女生嚟講，結婚戒指的意義相當重大，可以有資格擔當咁重要角色的就只有卡地亞同Tiffany。戒指才是婚禮上的主角，平日退位讓賢無所謂，煮飯洗衫返工可交畀金銀戒指，但一到重要場合，卡地亞必須上場同一眾師奶手上的戒指死過，擺出必勝的姿態。話我哋女生貪慕虛榮？我認，君不見所有名人明星都以卡地亞作他們愛的見證嗎？無計啦，鬼叫你係男人又要娶女人咩，女人係最易收服的動物，買隻卡地亞鑽戒，保證佢一世跟你、黐你，10萬就10萬啦，反正結婚點都要使錢㗎啦！