鐵甲兵團唔友善
德國警方為防備球迷攪事，大熱天時都會着晒成套裝甲，小記諗住幫佢哋影張相，順便表揚一吓佢哋嘅功勞，點知一攞相機，就即刻俾呢班鐵甲兵團喝住，仲幾乎要沒收記憶卡㖭！好在我有國際足協嘅記者證，班鐵甲兵團先至畀吓面，冇採取任何行動。話時話，佢哋嘅世界盃口號又話「ATimeToMakeFriends」嘅，但點解啲警察咁唔友善？
李勇明
曾採訪世界盃、歐洲國家盃、奧運、亞運等大賽，身經百戰。
朱古力只溶喺袋
這個故事教訓我，在德國的炎夏時期絕對不要帶朱古力去街，或任意放在袋中，想食的時候才食，否則只有後果自負；搞到一袋都是溶化掉的朱古力殘骸事小，最慘搞到袋內的Notebook紙張都是朱古力印。對於長年累月生活於亞熱帶的人來說，碰上德國的夏天，搞出熱溶朱古力事件，真的一點諷刺！
徐嘉華
採訪過無數大賽，最鍾意捐窿捐罅搵題材，今次德國之行啱晒我。
對科隆情有獨鍾
今屆12個主辦城市當中，已走訪了大半；慕尼黑主流、柏林古今並重、法蘭克福過於機動、萊比錫落後、漢諾威欠個性、多蒙特足球超狂熱、史特加高貴、最喜歡還是視覺享受特多的科隆。每次坐車經過科隆內城區，都會被其似乎比其他城市特別的建築物及店舖吸引。決定了再有機會的話，要帶件來季德乙聯球隊科隆波衫返港作紀念。
朱冠恆
肩負現場直擊畀料重任，無論你當我名家抑或明燈，都希望交到功課。
