阿根廷新星美斯原來有個王妃fans，佢就係荷蘭王妃麥西瑪嘞！呢位麥西瑪係阿根廷人，前晚阿根廷對荷蘭場波亦有入場，賽前仲話想識吓美斯㖭！之不過，判官睇見美斯被換出場後，喺後備席無聊到挖鼻窿，仲用完食指用手指公，如果王妃透過大屏幕見到實嚇一跳啫！唔知賽後王妃有冇同美斯握手呢？不過點都好啦！美斯始終係細路仔，相信王妃都唔會見怪嘅！