最後一日世盃分組賽，先講吓H組賽事，西班牙對沙地阿拉伯，呢場波立博開出嚟嘅亞洲盤初盤係西班牙讓球半/兩球，西班牙單W只係得1.16倍。
上盤加「大」必然之選
照咁睇嚟亞洲盤係讓少咗，可能有人擔心，讓得少就會開下盤，但係如果諗深一層，西班牙唔係嗰種計算型嘅球隊，成班後生仔寧願大勝多一場，都好過就住就住咁踢，所以上盤同入球大係必然之選。到烏克蘭對突尼西亞嘅賽事，先講吓烏克蘭。可以第一仗先輸4球，第二仗反而贏番4球，由地獄去到天堂，相信烏克蘭都應該學識咗世界盃呢個遊戲，就係要全力以赴，踢到最好。立博今場波烏克蘭讓半/一，主客和烏軍W都有1.6倍，開出嘅機會好大。
南瑞戰揀和補下盤
輪到G組，法國對多哥，好多人會話法國呢場波唔贏唔得，我都知，但係冇咗施丹嘅法國係唔係更好呢？乜嘢叫做「誘盤」，睇吓立博今仗法國單W有1.2倍，比西班牙仲要高，但亞洲盤卻要讓兩球低水，講真買下盤最多望走盤。
至於瑞士對南韓嘅賽事，就非常蠱惑，如果和波嘅話有可能一齊踢走法國，難怪立博開出必殺賠率，2.87倍嘅和波又出嚟喇，繼上次法國和瑞士後又嚟一次，𠵱家瑞士讓半球，都可以兼投下盤，實冇走雞。
謝利
立博亞洲區首席博彩顧問
精通各大聯賽，分析獨特，文章可見於各大媒體，足球貼士界的一顆新彗星。