李心潔主演嘅電影《鬼域》會喺香港回歸日七月一號上映，屆時李心潔會由內地返港宣傳，佢話有新戲上，心情好緊張，一半係因為影片係佢男友彭順花咗兩年半嘅心血結晶，一半係佢好鍾意呢套戲喎。有一場戲喺泰國郊區拍攝，工作人員喺山頭豎立咗好多墓碑，又安排咗過百泰國特約演員扮群屍，李心潔話拍嘅時候都好心寒，感受好深。