分組賽嚟到今晚就打完，入到次圈淘汰賽，強弱懸殊賽事已經唔會再咁多，好似F組咁，西班牙同烏克蘭，質素明顯較其餘兩支對手高，球迷應該珍惜最後機會，博多次西班牙同烏克蘭波盤齊贏。
好多球迷擔心，西班牙已經得失球大幅領先，就算今仗輸畀沙地，都差不多首名出線。不過呢支以年輕球員為主嘅狂牛，就真係冇留力必要，有得贏就贏，有得數就數，就算首席射手費蘭度托利斯唔出，魯爾以及雷耶斯等人全部都射得，韋拿更加要爭金靴獎；今次對住近屆已成為魚腩嘅沙地，再淨勝多次兩球或以上不成問題，1.7倍讓球主客和「客勝」屬全日穩膽。
表面上烏克蘭今仗對突尼西亞，只要唔輸畀突尼西亞都差唔多出梗線，開個烏克蘭讓半/一真係有啲「鬼鬼哋」，不過烏克蘭上場大勝沙地4球，舒夫真高信心返晒嚟，點會求守博1分最大風險；講真突尼西亞上仗領先1球下，被西班牙反勝3:1，對球員士氣真係好傷，今場更加要焗攻，益晒中前場反擊效率高嘅烏克蘭，讓球盤一於捧上盤。
瑞士南韓吼「細」啱數
畀多個數據大家，F組首兩輪4場賽事，每場都有4個入球，買入球大嘅球迷真係輕鬆收錢，既然未爆路，一於再追F組最後兩場都開大收場。貪心串埋南韓對瑞士入球細；睇番G組形勢，瑞士只要守和南韓就肯定出線，要瑞士攻人就唔多掂，守就冇問題啦，強如法國都攻佢唔入，南韓上仗迫和法國，入球真係有幸運成份。呢支亞洲隊對番歐洲球隊，把握力不足立即現形，一支唔使入波，一支入唔到波，串埋個細，3串1全中都有5.3倍。
文：牽牛