侍仔：喂，最後1日分組賽喇喎，法國出唔出到線呀？
肥牛：法國贏多哥絕冇問題，起碼贏3球啦！多哥輸咗畀瑞士之後都冇晒心機踢，加上佢哋之前就獎金問題同足總有爭拗，又話罷踢又話唔練波，就知佢哋係為錢而踢波。法國𠵱家只得2分，淨得球係「0」，今場要大勝多哥先有機會趕到尾班車，而且杜明尼治話明會排4-4-2，查斯古特搭亨利雙箭頭，火力同決心有保證，波膽3:0、4:1同「客其他」。
招積域：法國其實有運行㗎，外圍賽係靠最後一場趕尾班車，仲踢咗瑞士去打附加賽。所以今次法國可以贏3球以上，兼次名出線。
菠蘿文：又有道理喎，南韓上屆又係幫德國打江山，一路殺退葡萄牙、意大利同西班牙，如果唔係德國又點可以咁易入決賽？今屆可能幫法國踢走瑞士，利己利人。
侍仔：你哋好陰謀論喎，咁不如買個南韓搭法國嘅小組首次名啦，有4.4倍，啱晒你哋嘅劇本。
老闆：瑞士呢隊波同樣年輕，南韓嘅拼勁喺呢場根本唔算係咩嘢優勢，佢哋最大本錢反而係艾禾卡特，如果佢今場同樣展出對法國運籌帷幄嘅功力，都仲可以拎番1分，用得失球壓倒法國出線。
招積域：我就揀咗法國波膽3:0同埋呢組南韓搭法國嘅小組首次名組合。
侍仔：我就整條大細4串1：法國「大」、沙地「大」、烏克蘭「大」同南韓「細」。
文：高洛文