科特迪瓦今屆世界盃最後一場賽事，結果後來居上3:2反勝塞黑，表現驚人，而呢場亦係教練米歇爾帶領科特迪瓦最後之戰。米歇爾話退任，主要係已經實現咗帶領科特迪瓦闖入世盃決賽周，同埋打入非洲國家盃決賽兩個目標，而離任後會到卡塔爾當球會教練，實行到中東國家搵真銀，好過留低喺非洲國家，始終下屆世界盃係4年後嘅事，搵夠錢先返非洲都未遲。