德國人對其他民族嘅接受程度都幾高。現代嘅德國人會好包容唔同民族嘅人。自細讀書就已經有好多唔同國籍嘅同學：小學嘅時候就有嚟自意大利、南斯拉夫同南韓嘅同學。中學又有突尼西亞同土耳其嘅同學。土耳其嘅同學佔咗全班3分之1㖭！
其實土耳其移民都鍾意嚟德國住，情況似香港人鍾意去加拿大移民咁。德國亦接收咗好多唔同民族嘅難民，好似越南、伊朗同伊拉克嘅都有。有啲大城市甚至有土耳其社區，好似唐人街咁。入面有好多土耳其特色嘅超市同商店，其中一款美食叫做Doener，係羊肉卷，亦係土耳其特產，都喺德國嘅小土耳其社區見到。但講到請人，德國人始終會揀番德國人做。除非你嘅能力好高，如果唔係都好難喺德國搵到嘢做。
袁彩雲
無綫世界盃直擊主持