一直以爽朗形象示人的戴夢夢，最近成為某中藥品牌的代言人，她表示試過中藥減肥產品後，短短一個月內減去六磅贅肉，日前她為該公司拍攝廣告，罕有地穿上背心短裙拍攝，散發出女性獨有魅力。
現年21歲的戴夢夢早前獲邀擔任康婷中藥代言人一年，她表示試過中藥減肥產品後，感到相當滿意，體重在一個月內減輕了六磅，夢夢說：「因為之前有少少放鬆，所以肥咗，之後又因為忙主持巴士節目同其他工作，所以冇乜時間keepfit，後來試咗啲產品，成個人就弗番，精神都好咗。」
組足球隊行善
拍攝廣告當天，夢夢以多個不同的成熟形象示人，和她一貫的男仔頭形象有很大分別，她說：「公司想將我個形象轉變得大個啲，唔再係好似以前咁中學生味道。其實之後出席活動都會有類似打扮，不過因為近排世界盃熱潮，所以比較少咁着出嚟。」
夢夢近日自發組成一隊女子明星足球隊，雖然她日前大爆有女新人獅子開大口索16萬元踢波費，不過仍無損她的雅興，她說：「其實隊波𠵱家都係推廣階段，不過梁靖琪、陳苑淇、鄧穎芝同鄧上文已經話有興趣，我仲希望遲啲可以做埋慈善就最好啦。」
採訪：藍文浩
