近年除咗球會興起挖角潮之外，𠵱家連國家隊之間都爭埋一份，喺一啲足球水平唔係咁高嘅國家，情況更為常見。
每當佢哋嘅球探，喺人哋地頭發掘到一啲有潛質嘅新血時，佢哋就好似啲偵探咁，四圍捐窿捐罅，查晒啲球員嘅祖宗十八代，睇吓呢位新星嘅曾祖父母、阿爺阿嫲係咪本國人士。如果咁啱真係嘅話，佢哋就會用盡所有方法，令到呢位「外援」入籍。
我喺度諗，其實球探呢份工都幾歎呀，成日可以搭免費飛機，攞正牌周遊列國。咁筍嘅工都唔知去邊度搵？班球探除咗去球場睇吓有冇新血之外，就係喺冷氣房查吓啲人嘅族譜，唔使朝九晚五等收工，工作時間自由，又冇OT喎！唔知喺Recruit度，有冇人登廣告請人呢？
彭浩翔電影導演