周三伊朗同安哥拉握手言和，但伊朗嗰場就唔見咗中場主力卡里米，背後原來另有內情。賽前，伊朗教練艾雲高域唔知諗咩，走去問阿大哥卡里米想唔想踢例行公事，點知大哥竟然答：「我根本唔想踢。」大哥話你嚟問到我，我咪講實話囉；不過大哥之後仲反咬教練一口，認為球員落唔落場應該由教練諗，唔係由球員決定喎！哈，呢啲妙問妙答，你話死未？