台灣女星林熙蕾近年主力在香港發展，接拍了不少香港電影。樣靚身材正的她少不免被當作花瓶，不過她並不介意，因為無論任何角色，她都願意去做，並視之為挑戰。
林熙蕾（Kelly）近年一直留在香港發展，除了接拍電影外，更成為纖體代言人。雖然Kelly一直表示不覺得自己是性感女神，不過她卻經常以性感火辣形象在傳媒面前出現，加上其迷人眼神，確是性感代表之一。
雖然常給觀眾花瓶的感覺，不過正計劃在影圈大展拳腳的林熙蕾日前說：「我遲啲就要開工拍《文雀》同埋《放逐》，雖然《文雀》未收到劇本，《放逐》又只係客串性質，不過我唔會特別去揀角色做，乜嘢戲都會去試吓，因為有冇得發揮同觀眾鍾唔鍾意呢啲嘢好難講。」
羨慕妮歌潔曼
話雖如此，不過Kelly其實很想參演女性電影，她說：「亞洲好少女性電影，多數都係男仔戲，其實我最想演《TheHours》（此時．此刻）入面妮歌潔曼（NicoleKidman）嗰種角色，佢演一個20年代好有名嘅女小說家，佢一邊對抗精神病，一邊寫出一本鉅著。」
貪方便住酒店
早前Kelly公開表示有意在台灣置業，不過來香港工作時，她則喜歡在酒店住，她說：「今年下半年我大部份時間都會留喺香港，不過就唔會考慮買樓喇，因為酒店方便好多，又24小時都可以叫roomservice，方便我半夜收工都有嘢食，同埋咁多年嚟已經習慣咗喺酒店住。」
採訪：藍文浩 攝影：陳志嵐
化妝：VanChiu@HairCulture
髮型：[email protected]
服裝提供：MarcJacobs
場地提供：山頂峰景餐廳
