每年7．1遊行，都有父母拖着子女一同上街，讓下一代明白民主、普選是需要站出來爭取、不能靠當權者施予的道理。將於7月1日慶祝兩歲生日的小言信及小奕均，今年都會跟爸爸媽媽一同上街。小奕均的爸爸劉先生說：「自己嗰代爭取唔到，都希望下一代會有民主。」
樂觀信中國逐漸開放
小言信及小奕均在04年7月1日出生，去年一歲生日，兩人都跟媽媽爸爸上街。小言信的母親酈珊較樂觀，相信2012年可以落實普選，因為中國會逐漸開放：「啲領導人唔可能再封閉住，就算佢哋唔想改，佢哋啲仔女都要佢哋改，我相信到個女7、8歲，香港到時係會有普選。」
從事時裝貿易的酈珊，除了04年要在醫院生產外，每年都會參加7．1遊行及「六四」燭光集會，她的堅持，只為了香港有民主的明天。「六四」時在蘇州大學念書的酈珊，跟同學、老師一同參與民運，她93年由內地到香港後，才發現香港各方面都較內地先進，有新聞自由、法治，也較內地民主，「係咪回歸大陸後就要倒退？」
唔爭取冇人主動畀你
「你唔爭取、唔行出嚟，冇人係會主動畀（民主）你……如果個個都行出嚟，就一定會勝利、遲早一日都會有。過去倒董（建華）贏咗、反23條又贏咗，你唔出嚟，就一定冇（普選）。」酈珊又說，明白前政務司司長陳方安生有難處，但若她參與遊行，相信會鼓勵更多市民參加。
任職中港貨車司機的劉先生說，現在香港經濟只是表面風光，實際上低下階層的工資沒有增加，生活仍然困苦，特首曾蔭權又不重視市民的民主訴求，施政也只是利用民意打壓民意，「例如佢話支持政府起（添馬艦）新總部有七成人，但正式有幾多，大家都心裏有數啦！」
記者 莊曉陽