新一代MINI有幾受歡迎，我諗唔使多講大家都知得一清二楚；正因如此，每當他們有新型號或特別版推出時，都會成為「粉絲」們的搶購目標。今次究竟佢哋又搞邊科，令全球限量1,000部，可以瞬間售罄？之唔係裝晒JohnCooperWorksGP改裝部件嘅MINICooperS囉！
呢款簡稱為MINIGP的特別版，將會在2006英國國際車展上作首次正式亮相，它有甚麼特別？先有外觀噴上專有的ThunderBlueMetallic作車身顏色，再加純銀色車頂，襯埋JCW提供嘅18吋大胎軨，望落又好似真係幾惡，車廂則換了Recaro跑車桶椅，座位數目也由原來的4人減至2人，同時加入了多功能跑車軚環，不論乘坐和觀感都好跑車化。當然，引擎也經過有關方面作出調校，馬力輸出達218匹之餘，車重亦被下調40kg，難怪0至100公里僅需6.5秒，極速更可達234km/h。
記者：鄭達基