德國奧廸（Audi）在今屆LeMans24小時耐力賽刷新了1項紀錄，就是2部全新R10TDI戰車分別以冠軍及季軍成績衝線，同時也成為首款喺呢項賽事中勝出的柴油戰車！
比R8戰車還要快
喺今次賽事取得如此好成績嘅R10TDI戰車，由研發至正式落場需時僅200日，比當年的R8戰車還要快，但千祈唔好以為咁樣會令到部車嘅可靠性降低，380圈賽事中，除了正常進入維修站入油及檢查外，就只有奪魁的8號車因車身問題，及另1部因波箱問題被迫再進入維修站。機械配搭方面，1台5.5公升V12TDI柴油引擎，馬力輸出達650匹，平均耗油量為每14個圈用90公升柴油。
380圈由頭帶到尾
至於賽事舉行期間也十分激烈，最初由DindoCapello、TomKristensen及AllanMcNish駕駛的7號車取得前列位置，但後來因機件故障跌至第16位，後來奮力狂追才可取回第3位。至於取得冠軍，兼由FrankBiela、EmanuelePirro及MarcoWerner負責駕駛的8號車，則差不多由頭帶到尾，若不是因車身損壞要入Pit的話，查實可以早1分鐘取得冠軍，最後用了24小時4分47秒325跑完380圈勝出賽事。
記者：鄭達基