德國周二大炒厄瓜多爾3:0，全國興奮，傳媒即時大讚奇帥領導有方，16強對瑞典嘅單W賠率熱到只得1.8倍，德國係咪咁勁呀？
德國「夫添」大炒收起數名主力嘅厄瓜多爾，話佢哋踢到曉飛；連一向狂抦教練奇連士文嘅碧根鮑華都話前者好得，心水清嘅人都知德國根本係面對半力出擊嘅厄瓜多爾。
晉級前路崎嶇難行
查實睇番個出線表，德國喺16強會面對B組嘅瑞典唔係弱隊，而學瑞典龍門伊沙克臣話齋，佢哋熟德國多過厄瓜多爾，贏德國唔出奇。再講，假如德國再晉級，喺8強就面對殺氣十足嘅阿根廷或荷蘭，到時真係危危乎，前路崎嶇。
呢場波，奇連士文諗住大勝一場振奮士氣係無錯，但係連厄瓜多爾都留力打16強，德國使唔使去到咁盡呀？
專家話：德國前景審慎樂觀
「德國16強對瑞典，可說是樂觀的，一來德國佔有主場之利，二來其防守經過3場比賽後經已見到顯著改善，總算能夠對症下藥。若晉級8強，對荷蘭的話仍可佔上風，但假如對阿根廷，以德國後防實難抵禦阿根廷攻勢，不容樂觀。」
網民反應：例行公事難作準
究竟外界又對今日的德國有何睇法呢？「儍仔先係例行公事出強陣啫！」「德國好過上屆啦！」「上屆咁屎都入決賽，今屆唔拎冠軍都對唔住家鄉啦！」