阿牛同長毛噚日大鬧完公共廣播服務檢討委員會舉行嗰個國際論壇後，晚上又喺民間電台開咪，繼續公民抗命，今次個嘉賓就好特別，係行會成員張炳良。
八方問張炳良，點解會去？佢話有日喺街撞到阿牛，佢請張炳良上電台節目，於是即刻話冇問題，後來都知弊，因為阿牛未有牌。噚晚張炳良都認話阿牛踩鋼線。
白鴿黨出身嘅張炳良其實同阿牛好熟，邊有得推，佢喺電台話，雖然佢係行會內唯一嘅民主派，但係唔覺得有被孤立。
阿牛就乘機要求呢位行會新貴，如果有機會見到賈慶林，記得叫佢留低到7月1日，睇埋佢哋遊行，接埋佢哋封信先走，呢個係全球華人都想見到嘅一幕──就係中國領導人敢於面對群眾。
傳真︰2623-9278
電郵︰[email protected]