噚日八方去捧吉叔黃應士場，聽吓班外國專家講公共廣播服務（PSB）嘅發展同前景，真係獲益良多。PSB個題目本來好悶，但係事關重大，行內人士都嚟得好齊，連退下火線嘅新聞處前處長丘太以及立法會前議員李家祥（圖右）都坐足成個下晝。
Eric（李家祥）話，同港台有好淵源，所以有興趣嚟聽吓。時間過得真快，李家祥離開立會已有一段時間，𠵱家佢忙於體院嘅工作。
李家祥位掌上明珠李寶怡舊年喺英國完成學士課程，目前喺香港一間投資銀行做分析員，上半年啲公司排隊上市，佢就忙到不亦樂乎，所以早前個女有兩日假期，就一家三口去咗越南旅行，盡享家庭之樂。
傳真︰2623-9278
電郵︰[email protected]