世界盃十六強已經各就各位，未來兩周賽事嚴重挑戰球迷的神經，凌晨三點開波，睇還是唔睇，捱還是唔捱，擲毫也難定斷。腦和腰就像兩隊對壘的球隊，互相比拼，很難協調。睇波賠上性命不是奇聞，中港兩地陸續有人出事。四年一度，全球見證，足球殺人，兇手卻逍遙法外，揚長而去前還承諾，四年後必定崔護重來。這樣有組織有預謀的兇殺計劃，比阿蓋達更阿蓋達，強調要反恐反到天腳底的美國，卻忽然收口，派出尖子少爺兵殺上世盃戰場。跟美國聯手反恐的八強，每次出場後，不曉得會製造幾多人命閃失，真是無辜的「濫殺」。難怪有人說，世界盃真恐怖，世界盃寡婦，不是靠嚇的呀。
世盃開鑼，財經版面立竿見影縮減一半，據說地產股輪成交淡靜得烏蠅不進，假日睇樓？講笑，不如睡個午覺養好精神夜晚睇波。金融才俊無事可幹，應該放假充電去，讓ifc人流清爽些，Starbucks少幾句西裝友粗口。生意淡薄的行業睇見細哨招牌的咿起棚牙笑面，不禁牙痛咁聲，四年一擊，全球消費拉上補下，應該打和。人均生產則可能應聲下跌，不過經濟部門可以歸咎是暑期效應。治安沒得賴，街頭詐騙應該驟減吧，話題離不開賭盤和金球，誰還關心祈福和寶藥。劈酒打架倒難阻遏，加納人流落元朗八鄉，終於嘗到爆冷的爆樽滋味。自封球迷的曾特首，最有把炮的推測，是世界盃後往往是催生高峯，配合中港經濟效益，明年中出生的世界仔世界妹，創四年新高，好賀他連任。