多哥班友仔同足總因為獎金問題拗咗好耐，對瑞士之前仲差啲唔肯上飛機；而日前國際足協就以「大哥大」身份走出嚟話：「啲錢唔使煩，我哋畀晒！」國際足協嘅大前提係唔想多哥退出世盃，影響賽事進程，先話幫多哥足總出錢；但另一邊廂，同組嘅法國正陷水深火熱，呢單嘢如令多哥班友仔喺下場踢到龍精虎猛，搞到法國出事，佢哋真係多得國際足協唔少咯！